whistler

剛過去的週末和十多個朋友仔上了whistler喪玩了兩天，對上一次可以完全唔洗做，齌hae...已經唔記得係幾時。凡事有得必有失，返屋企就知有大堆家務等住做。
d雪好靚，上一次滑雪噠低唔會痛應該係四五年前去過既big white.可惜出發前一天睡眠不足，玩了一個上晝就體力透支，不過總算盡興而歸，玩方面，算係滿足。
整個road trip都好enjoyable,原本真係打算訓足全程，但剛好同車的有chemistry，有興緻，題目又岩傾，結果兩個多小時的車程都在笑聲中渡過。如果一首歌（或一隻碟）可以記錄某一時段既記憶同感覺，Janice既Night&Day一定係今次呢個trip既theme song.

"發覺自己在不知不覺間改變了"這種認知其實可以好恐怖。兩三年前，我還曾經因為一些人不肯打開心房真心分享而憤概得淚流滿面，還會因為別人的一句"好聽說話"而氣上心頭；今天突然發現原來自己已經失去了解決問題的勇氣，面左左就由得佢面左左，黑面都慳返，木無表情來得太快太自然。到底是我漸漸發現原來的一套不再有效而學懂長大？還是在長大中慢慢遺失了一些我當初看為重要的堅持？

說到底，呢個trip其實開心唔晒。