chinese new year

在溫哥華過農曆年其實冇咩氣氛，極其量d唐人mall會搞下節目，唱下歌玩下遊戲。那些所謂的年宵賣的東西沒一樣有趣的，根本就是summer夜市的翻版，其實冇乜人去，真係唔明點解要開到過埋年，磨咩呢？
無假放不特只，同事朋友間沒有拜年派利是。甚麼全盒瓜子朱古力也唔洗旨意。

好耐好耐未試過年初一起身時會有朝氣既感覺，然候梳洗一番，同父母拜年，被叮嚀一句生生性性。換件新衫去外婆家派年，蘿蔔糕年糕還有我最愛的馬蹄糕可以大口大口的吃，跟表兄弟無無聊聊高高興興的玩一個下晝。晚上去大伯屋企，姑媽伯娘忙忙碌碌地預備晚飯，大人一檯細路一檯有魚有菜有蠔豉。晚飯吃飽了就跟表哥表姐去戲院睇賀歲片。
11年了，真係好耐好耐。

移民之前，我從來唔覺得，農曆年原來係甘可愛。