Tuesday, April 17, 2007

Jamie Oliver's School Dinners

兩星期前的一個晚上,偶然看到food channel有jamie oliver的節目,第一個印象係,嘩!又肥左窩,朋友~~

見他和一群小朋友在煮東西,畫面很吸引,繼續看下去,原來是一個reality show(現今除了劇集和清談節目之外,所有其他節目也是reality show了吧?!),名叫Jamie Oliver's School Dinners.
Jamie有見london的小學生每天放進肚子的,盡是高脂高鹽高糖的不健康垃圾食物,因此發起一個運動,從小朋友的層面,鼓勵他們從煮食中學習均衡營養的重要性;從家長的層面,教育他們子女終日吸收無益食物的後遺症;再從政府的層面,施壓要求學校為小孩子提供"真正的食物"。
結果因為Jamie的節目,引起社會關注,英國政府願意撥出更多資源,讓學校加入健康午餐餐單。


很有意思的一個節目。
看他理直氣壯地和學校餐飲供應商的老闆吵起來,就是有那團火。
要改變既定規則,需要名氣,勇氣,和火氣。更加重要有不屈不撓的毅力。
上網查查,發現Jamie在節目出街一年後再開了一個叫Jamie's Return to School Dinners,果然,革命尚未成功,同志仍需努力。

youtube有廣告一則,幾好笑...

5 comments:

M said...

我記得0係明珠台睇到0個時好激動, 好想寫篇entry表揚佢 - 因為如果可以用自己0既才能改變世界, 真係一件好厲害0既事。
我阿爸好鍾意睇佢, 叫佢蠟撻貓。
現在只想愛你...噢...
可能我慣睇呢d「純愛片」啦(第一套)(打呢三隻字我都起雞皮), 好老套囉真係, 老套到插脾...
怪俠個名真係太怪啦..唔敢試呀..
宜家最期待係上樹+織田《不是玩笑》同yamapi同新劇...(不過真係唔可以再睇, 真係要開始做功課, 真係...!)

viv said...

邋撻貓好貼切!!哈哈~~你老豆勁呀!!
老套到插髀,可想而知,睇唔過!都係無謂毀壞千秋王子係我心目中美好o既型像!
聽講怪俠係日本動畫改編窩,等佢出碟或者整隻睇下,再匯報過你聽~~
meanwhile,你都係乖乖地去做功課啦....
yamapi套劇呢個星期開始左,等我去搵下第一集黎睇睇先!!嘻嘻

M said...

尋晚終於漏夜睇完unfair。真係好勁, 從來唔睇呢類型0既戲, 但係真係好勁, 唔到最後一刻真係估唔到(可能我太蠢同被美色所迷)。睇完結局後久久未能回復平靜, 因為中左瑛太毒!!!!完全唔駛怕想追SP, 因為知SP只係得好少瑛太, 呵呵。不過就好想睇《愛情補給》, 個個都話佢做得好過kame(當然係0係瑛太fans網站睇到), 加上又係著西裝, 應該會好開心(不過都係要做左功課先, 係, 要做功課先, 一定要...)

viv said...

我都係勁估唔到!不過有個男仔friend話一開始就知,我估佢係吹水~~
愛情補給呢,我岩岩又翻睇左一次,真係唔得。
起初我都覺得瑛太做得好過龜梨,但係其實成個故事都超唔掂,拖拖拉拉到不行。。。女主角演技0,角色性格build up得好差...唯一值得睇係睇瑛太著西裝!我睇你都係做功課實際d...
或者搵山P新劇睇喇,眼前一亮,呵呵~

M said...

哎呀..唔得呀...(但係咁唔得點解你會睇兩次0既?????)
請你! 唔好! 唔好引我丫!~~~~丫~~~~~~~~