Tuesday, June 21, 2005

工作情緒

工作情緒這回事我總是不太懂得掌握。
今天開始學習夜班工作,由下晝四點工作至零晨十二點。為期五天。
主要收香港和本地主流電台最新消息,準備晚間通宵播放的錄音和報整點新聞。
當然我未夠經驗自己做,只不過擔張凳仔跟係茂叔後面學下譯稿only.
越係想譯得好,越唔想被人改,就越係譯得差,被人改到花碌碌,條氣唔順,我無理由唔得,再黎過!越係驚譯唔好,就譯得更加之差,心情就一日一日變得沉重。其實呢個自然定律,我又唔係唔知,但就係揮之不去。
然後這幾個星期積下來的壓力在今天的最後一個鐘頭被全數引爆:錄一段新聞。
Bonisteel被控兩項一級謀殺案; Bonisteel被控兩項一級謀殺罪; Ray Romanetz; Ray Romanzte; Dave Bonconnier; Dave Bonconnier; CN鐵路橋樑; CM鐵路橋樑;制水;濟水;重覆重覆重覆重覆錯完又錯,個心越急,D螺絲食得越勁,開始越讀越快,然後又係Bonconnier制水! 黐線!

最後因為時間關係,我完成唔到我原本要做的功課,茂叔好好人幫我錄埋。
做左十年電台,今日我竟然錄唔掂一條5分鐘既track,空手離開錄音室!黐線!!
然後重槌一擊,腦中再次響起警號,係新聞界,我只係新丁一件。

講真,以我這樣一個新丁,真係乜都冇,如果連Attitude都輸埋,我就真係乜都帶唔走。所以我同自己講,幾挫折,幾想喊,幾不忿都好,我唔可以就甘算數!

5 comments:

Anonymous said...

小妹的意見係:
1.先忘記你過去十年都在highliter事奉.
2.將自己調教為一名新人.
3.譯稿時盡力而為,前輩修改得愈多,自己獲益愈多,因為他肯教你嘛.如果他不修改並不一定等於你寫得好,可能只是他不想袋錢落你袋罷.
4.放鬆心情吧.食螺絲不要緊,笑一笑 say sorry 深呼吸然後再錄過,別那麼緊張呀,‘棧’自己激氣咋.

我工作時寫稿譯稿成日都俾人狂改啦,做左幾年都係咁.唔緊要啦,最重要係唔好氣餒,虛心學習,唔明就問到明,唔好就做到好囉.你這麼有天份,很快便可駕輕就熟o架o勒.
Ganbatte ne!

M said...

諗起你前排話陶子去做新聞
一d都唔擔心你, 因為你會唔憤氣
努力啦朋友

deakin said...
This comment has been removed by a blog administrator.
deakin said...

鼓勵的說話人人都說過了,只想笑一笑你那些「黐線」,再說聲加油!哈!=P oh! you may have a look at mine, i started write again too(of coz few days per one lar! =P)

viv said...

suz,
你的提意很好,我會採納,多謝!^_^

M,
甘捧場呀~多謝。

D-kin,
黐線有咩好笑?!係丫嘛~