Friday, August 19, 2005

是但o翕發花癲

原來係個節目名,都唔係知得好遲o者!
一聽上癮,又重回粘住個收音機追住聽既熱情,嘩!仲有澳門mimi吉講返舊時D軟硬節目!
最令人興奮係有podcast version,戴住係身一路返工一路聽~~呵呵~~
podcast真係一樣幾有趣既野,冇廣告,唔駛錢,將電台節目同mp3合體,可以帶出街聽,可以pause可以rewind,冇時間限制,但仍然有電台節目的獨特性,仍然保留到聽者同主持之間的personal connection。
又多一個媒介,傳媒工作者係多左一個挑戰定係多左一個工具呢?

9 comments:

M said...

真係為左林生日日blog...
邊樹有podcast呀?

M said...

忍唔住自己搵左聽埋
佢都真係講左d野喎, 好似出左真火

viv said...

吳君如個集仲講左好多自己屋企野忝~~岩晒我地呢D八妹仔fans聽啦~(笑)
你有冇用ipod? 如果有你可以去download最新既iturn,裡面有podcast呢個function,然後你用右上角個search engine搵jan lamb,就會搵到架喇~雖然用法有少少唔多user friendly,但不失為一樣幾好玩既野。仲有好多第二D野聽架~~
不過其實唔用ipod都一樣可以用iturn,當係media player,又唔駛錢。

M said...

我咪就係用itune聽囉, 我聽0個集已經係吳君如啦...都唔知miss左幾多野...不過mimi吉0個d珍藏真係好好聽,蝦蝦

viv said...

好似係岩岩開始左一個星期咋,你搵返第一二集,森小帶左兩個神棍同阿Jan占卜,好好笑,都好多屋企野聽架~~
不過第四集空中喱民就麻麻,不過八掛野都聽得過,呵呵~~

deakin said...

上個禮拜有線「再睇星期五」,吳君如加森美訪問YOUR LOVE超搞笑呢!
"林海峰是但o翕發花癲"
日期:2005 OCT 12, 13, 18, 19, 20
時間:8pm
地點:伊館
票價:$180, $280(九月九日城市電腦售票網發售)

M said...

日子0岩唔0岩? 睇唔睇到呀viv? 我諗可能除左你, 我係唔識人會想睇...

viv said...

簡直係心亂如麻!直頭想睇晒!!
如果我話想睇多過一場都唔係好過份o者呵??我十五號會走架喇,所以想12, 13號都睇囉...
城市電腦售票網係咪即係可以上網買?
M,你邊日好D?

M said...

13啦!第一場可能蝦碌d!yeah!一齊睇林海峰!