Monday, August 22, 2005

我係老鼠

好累的一個週末。越來越覺得自己係一個有心無力的人,尤其係有關hi-liter既工作。由於做左新聞,把聲唔可以出現係其他節目,所以hi-liter既有關工作只可以係旁邊指指點點,好多時有心想做好,但係實際情況往往都係差一截。叫人錄,教人錄,但係始終差D...點算好呢?錄音都算小事喇,因為更大件事今個星期終於發生。"大家太忙",原本約好要今日錄既廣播劇結果開唔到工,我谷埋谷埋幾個月既壓力同不滿終於缺堤...
我知道自己一向EQ差,但係我真係好唔鍾意鬧人,我唔係怕人難受,而係怕鬧完人之後人地會唔鍾意我。但係我今日真係忍唔到,除左鬧之外,我搵唔到另外既發洩方法!
其中一個人話:喂,我都大把野做架,又要返工又要練琴,我盡晒力啦,點解要係度俾你鬧呀?我阿媽跌親隻腳我都冇陪佢,出左黎啦,你仲想點呀?
我聽到呢句真係覺得好神奇,呢個咩世界?點解有D人犧牲少少就以為自己巴乜閉,自己遲到交稿,對唔住都冇講過一聲,仲可以係度懶委屈呢?
我真係唔知從邊個角度睇,先可以睇得出佢係同我同行?!
做左十年hi-liter,真係未試過為左做野會甘唔開心。老鼠拉龜的壓力除左當時人之外,或許真係冇人會明白。而好多時,最叫人傷心難過既,就係以為攤開晒黎講會得人明白,但原來係得唔到。

真係好想好想好想好想劈炮唔駛同呢D人做,走去一個冇人識既地方,淨係聽林海峰。
聽完返黎自己一個由頭到尾做晒佢,等呢班XX冇聲出!

4 comments:

deakin said...

hey! anything i can help?
i'll pray for you! ^^

viv said...

唉,你係度就好啦~

fiona said...

vivien ... i'll try my very best to ease your workload--just like writing the script that you planned to write, that was what was on my mind.

fiona said...

I totally understand ... I'm working with the same people too !