Thursday, August 18, 2005

喂~~三字頭

可能今日開始都會主要係寫林狗,好似有D朋友唔係對海峰好有興趣,車!唔好睇丫,笨!

首先係佢個廣告,玩具王,大細路,踢足球,三字頭。顏色,畫面,節奏都控制得好好,抄SATC logo抄得好cute, 但係唯一個phrase"是但up發花癲"有d騎呢...

然後新歌歌詞,感覺有一半係講緊海峰自己私生活,淨係聽到少少都覺得興奮。我覺得呢首歌其實代表住海峰既一個過渡期,可能有聽開佢做節目既人都會留意到,佢有一段時間跌跌地wok,由佢同小克合作開始就有D唔知點甘,小克峰芒畢露就固之然,但係阿jan毫無突破,反正就係"好唔海峰"!後來同阿芝合作男上女下簡直係低谷之作慘不忍睹。
但係最近呢半年聽佢做節目,表演越來越好,一個903內最唔識同人合作做節目既DJ竟然同幾個唔係DJ出身既人合作可以做到恰到好處,幫到對方發揮之餘又有返自己特色,我身為佢fans都覺得自豪啦!

而成個project, 就好似首歌,present一個蛻變成熟期,由廿靚歲風光一時軟硬天師蛻變成嬉笑怒罵與時並咀既維園阿伯。肯將軟硬天師四隻字放係首歌度,你估容易呀?海峰今日做得到,係因為佢重新搵返定位。

好期待十月可以睇到佢既talk show.

2 comments:

Ma Lau said...

i heard the song 三字頭 last week (i think) on the radio... when i first heard i thought it sounded familiar... very "軟硬" feel... my cup of tea :D

viv said...

有另外一隻係講班三字頭去踢足球,我覺得仲好聽呢~~好想快D到九月,隻碟快D出就好喇~~