Friday, February 02, 2007

交響情人夢

連續兩晚坐在("黐在"比較貼切!)電視前,欲罷不能追追追,好好睇~~
連一向不好古典音樂的我也聽出耳油,與其讚配樂的服部隆之,我更加佩服那些音樂大師!管弦樂的那種高低起伏,氣勢,和超越時空和國界的震憾力,真不是張學友+王霑+陶吉吉+除小鳳+Beyond(?奇怪的combination?!) 可以比擬的!

(不懂音樂的人還是不要作太多太笨的形容~)


女主角nodame由上野樹里飾演,氣質有一點點像重慶森林裡的王菲,又有點初出道的廣末涼子的影子,就是可愛。劇中不少漫畫式的搞笑場面,每集nodame例牌被千秋王子打到飛起,出奇地一點也不覺核凸!這種情節,假如女主角的可愛度不夠,就一定會讓人想打爆個電視機!
上野演來很稱職,或許正如她自己所說,關西出身,說標準腔總有那麼一點不自然,演起這種傻大姐的角色來,就自自然然很入戲了~
上野遇著好角色,nodame也遇上好演員,為故事注入了靈魂。


(忍不住要驚叫~~~~~)男主角玉木宏好靚仔!!!
重點是全劇不是畢挺踢死兔,就是白襯衫黑西褲,再來就是黑色v-neck tee,是我極極喜歡的(日本)男生造型~(我頭上冒出一個粉紅小心~)
真看不出water boys(也是我很喜愛的日本電影之一,但當時只會看妻夫木聰)裡的爆炸頭,Top Caster裡的蟹原,演起指揮家竟然會這麼吸引!雖然我不懂欣嘗古典樂(再一次強調),但千秋王子指揮時的投入和熱情,讓我覺得玉木宏演得很好。最後一集有幾個shot,玉木還微微滲出類似福山雅治的性感呢,wow~

男配角瑛太演來也很出色,連續幾套日劇(orange days, unfair, sapuri)瑛太也有很好發揮,但我還是喜歡看(sapui裡的)他穿西裝~

不知道這劇會不會有特別版?!真想看看nodame和千秋學長同台演出~

(後補一段)
勵志+校園+漫畫改篇+青春日劇其實來來去去不出那幾度板斧,只要編劇做到流暢不婆媽,通常也會很好看,nodame也不例外。雖然沒有看到哭,但感動位倒是有好幾個。
我在想,看漫畫又聽不到交響樂,怎夠電視劇吸引呢?作者又是抱著甚麼心態,去創作一部以管弦樂和鋼琴學生為主要骨幹的漫畫作品呢?若非漫畫本身出色,也不可能引起注目,被改篇成電視劇吧?!
創作這回事,實在很不可思義!

交響情人夢入選我最愛的日劇系列,誠意推介~~

7 comments:

M said...

比你講一講真係有d福山雅治味喎!我記得第一次去日本就0係涉谷個大電視見到玉木宏第一個mtv - 原來佢識作曲唱歌, 但係一睇佢個樣就諗起佢爆炸頭忍唔住笑。後來睇0個套有你好鐘意0個個男子做攝影師後來盲左0個套戲呢(真係諗唔起個名), 有佢做配角, 我就諗, 都係紅唔起囉呢個後生仔, 雖然幾有型, 都係淪為2beat6囉。估唔到終於,終於冒出頭黎啦!睇你寫完都突然燃番起我熄左成年0既日劇癮囉!

deakin said...

hey~ 我很有興趣呢!i like these kind of drama with musical element in it ^^
btw, have you watch "swing girl" that i borrow u?

viv said...

m,
係囉係囉,竟然有福山味,驚為天人呀~~~~~~前途無可限量~yeah~~(最好套套戲都係恤衫西褲!呵呵~~)<--變態!
另外個個靚仔係藤木直人,最近冇乜動靜窩~
你快D睇啦,睇完寫個報告黎睇下窩~

deakin,
同套戲同一個女主角窩,上野樹里!
期待期待~
我打算聽日睇完,sunday還返俾你架啦!
套劇我借左俾另一個friend,不過我肯定你一定會鐘意睇,不如你快d去買啦~~(其實我一邊睇都一邊想起音樂指揮家,我估你實會有興趣!)

M said...

電視報告:尋晚終於開始左睇nodame, 結果係, 同你一樣, 黐住左。開頭10分鐘覺得有d悶, 仲諗呢套野過譽啦, 點知後來開始有卡通打人場面就覺得好好睇(變態..)。玉木宏真係好有型, 真係好有福山雅治0既感覺。講開福山雅治, 睇music station super live見到佢, 嚇親, 個樣同以前一樣, 唔係, 係仲靚仔左好多!!!! 勁驚!!!! 其他勁驚包括山下智久留左個好核突0既頭/kat-tun無左赤西仁原來會唔完整/咁多年0黎第一次見草"剪"剛同木村一齊企第一排。吁, 終於講哂出黎。呢d野唔同你講都唔知同邊個講好...
順手拜個年先, 祝你合家平安, 各人身體健康, 婚禮順順利利。:)

M said...

仲有仲有,我起上野樹里底0既時候發現佢有份做orange days架喎, 但係完全無印象, 你有呢?

M said...

訪問千秋王子&nodame呀!

M said...

最後一個msg(今晚):
smapxsmap 玉木宏+上野樹里
玉木宏+宮崎葵
ただ、君を愛してる
(好耐無咁顛過..希望你唔好當我係spam...)