Tuesday, August 30, 2005

呵,我被貼了!

前兩日重好傻仔甘為左"點解甘耐仲未有人貼我?"而耿耿於懷左好一陣子,M的message突然像貞子一般的出現在電腦熒光幕前,都唔好話唔嚇左一驚。

既然俾我恨到,甘就要袒盪盪來一次真情大剖白,不枉M對我一片真心!(開始發癲!)

怪癖一號:撕標貼
見到價錢牌,或者樽裝飲品之類物品上面有標貼我會不其然撕落o黎,大塊細塊無一幸免,而且會小心奕奕,恐防撕欄。見到舊款(用貼的)忸計骰更加不得了,試過全部續格撕晒出o黎!

怪癖二號:卒膠水跡
同第一個怪癖有D關係,如果o係撕標貼o既過程不幸未能整片撕下,我就會慢慢卒甩D膠水跡(包括有時撕得一半,淨返黐住係案發現場o既白色部份),直至現場乾乾淨淨。如果被我發現有D物品o既某一個小位置黐立立,好似標貼撕走了但膠水跡卒唔清,我都會忍唔到手。

怪癖三號:日語對白
好似好多學language既人都會甘做架wor...算唔算怪癖呢?是但啦。總之就係用日文自言自語,尤其獨個兒駕駛時,發生得特別頻密。

怪癖四號:對林海峰微笑
係囉,見親呢三隻字或者佢幅相,或者佢郁郁下o係電視或電腦畫面出現,無論身邊有冇人,我會對住個名/幅相/畫面微笑,輕輕揮手同阿Jan打招呼,而一向都只係敢講一句"hello",仲要係細細聲個隻

怪癖五號:咪埋眼睇野
呢個冇做一排,其實就係好簡單甘咪埋眼睇野,睇下隻眼咪埋左之後會睇到D咩野。
起初好似冇野,但係睇耐D會見到一條條發光既野係隻眼同塊眼皮之間閃閃下。
廿幾年黎都唔知o個D係乜...其實我係唔係生虫?

xanger都玩得架呵?!以下人仕請延續這個無聊game:
deakin
suz
leo
amanda
fiona

Friday, August 26, 2005

天使

過了很大壓力的一天,工作極度不順利,失敗感跳升100度,但係坐落黎靜靜o念下,如果要數,不如數下D好野仲好。
成個星期煩緊hi-liter個劇D野,突然有靈感仲好快手寫起一個一集短劇,打個電話,忙到冇覺好訓既文井又好快甘答應幫我錄,多謝。
滕晒雞唔知點做個訪問好,突然間蕭公子經過(好騎呢既時間好騎呢既地點,真係唔知點解佢又會係個度?!),寒喧兩句之後,佢轉個頭買左支蘋果汁俾我,真係差D眼濕濕!
要報既新聞結果真係報唔切,但係兩個同事clement同audrea唔但之冇話我,仲好understanding甘聽我訴苦,我都真係唔知講咩好...
雖然我冇講發生咩事,但係jane同brenda o係icq簡簡單單一句"唔好唔開心啦"已經叫我心頭暖一暖。
仲有o係呢度留言鼓勵既deakin同leo,加上睇完我日記之後,語重心長甘安慰我既小森,都俾左我好大勇氣,或者可以企返起身再試一試。
然後我身邊仲有一個愛我既人,可以俾我喊,會買sushi俾我食,會抱住我同我講"it's okay,聽日又係一條好漢啦,係咪?",搞到我又笑又喊,我仲唔係一個幸福既人係咩呢?

如果失敗叫我看清自己的不足,和周圍有願意扶我一把的人,其實失敗也不是那麼可怕。

Wednesday, August 24, 2005

實在係太可愛喇!


4 Posted by Picasa

3 Posted by Picasa

Posted by Picasa

Posted by Picasa

Posted by Picasa

some more pics of my cute cousins


sisters under rainbow Posted by Picasa

sisters in fur Posted by Picasa

Tuesday, August 23, 2005

小氣鬼

我今日發覺自己唔係一個好人。係一個好小氣既人,唔識原諒一D唔肯認錯既人。
尋日個單野,壞情緒持續到今日,塊面黑到爆。

想點呀?
點解仲要我當粉筆字抹晒去繼續循循善誘呀?
點解佢唔認錯我又要繼續俾機會自己再俾人搧呀?
點解仲要我冒住俾人憎到死既危險俾心機改佢份稿先?

谷鬼氣。

Monday, August 22, 2005

我係老鼠

好累的一個週末。越來越覺得自己係一個有心無力的人,尤其係有關hi-liter既工作。由於做左新聞,把聲唔可以出現係其他節目,所以hi-liter既有關工作只可以係旁邊指指點點,好多時有心想做好,但係實際情況往往都係差一截。叫人錄,教人錄,但係始終差D...點算好呢?錄音都算小事喇,因為更大件事今個星期終於發生。"大家太忙",原本約好要今日錄既廣播劇結果開唔到工,我谷埋谷埋幾個月既壓力同不滿終於缺堤...
我知道自己一向EQ差,但係我真係好唔鍾意鬧人,我唔係怕人難受,而係怕鬧完人之後人地會唔鍾意我。但係我今日真係忍唔到,除左鬧之外,我搵唔到另外既發洩方法!
其中一個人話:喂,我都大把野做架,又要返工又要練琴,我盡晒力啦,點解要係度俾你鬧呀?我阿媽跌親隻腳我都冇陪佢,出左黎啦,你仲想點呀?
我聽到呢句真係覺得好神奇,呢個咩世界?點解有D人犧牲少少就以為自己巴乜閉,自己遲到交稿,對唔住都冇講過一聲,仲可以係度懶委屈呢?
我真係唔知從邊個角度睇,先可以睇得出佢係同我同行?!
做左十年hi-liter,真係未試過為左做野會甘唔開心。老鼠拉龜的壓力除左當時人之外,或許真係冇人會明白。而好多時,最叫人傷心難過既,就係以為攤開晒黎講會得人明白,但原來係得唔到。

真係好想好想好想好想劈炮唔駛同呢D人做,走去一個冇人識既地方,淨係聽林海峰。
聽完返黎自己一個由頭到尾做晒佢,等呢班XX冇聲出!

Friday, August 19, 2005

是但o翕發花癲

原來係個節目名,都唔係知得好遲o者!
一聽上癮,又重回粘住個收音機追住聽既熱情,嘩!仲有澳門mimi吉講返舊時D軟硬節目!
最令人興奮係有podcast version,戴住係身一路返工一路聽~~呵呵~~
podcast真係一樣幾有趣既野,冇廣告,唔駛錢,將電台節目同mp3合體,可以帶出街聽,可以pause可以rewind,冇時間限制,但仍然有電台節目的獨特性,仍然保留到聽者同主持之間的personal connection。
又多一個媒介,傳媒工作者係多左一個挑戰定係多左一個工具呢?

Thursday, August 18, 2005

喂~~三字頭

可能今日開始都會主要係寫林狗,好似有D朋友唔係對海峰好有興趣,車!唔好睇丫,笨!

首先係佢個廣告,玩具王,大細路,踢足球,三字頭。顏色,畫面,節奏都控制得好好,抄SATC logo抄得好cute, 但係唯一個phrase"是但up發花癲"有d騎呢...

然後新歌歌詞,感覺有一半係講緊海峰自己私生活,淨係聽到少少都覺得興奮。我覺得呢首歌其實代表住海峰既一個過渡期,可能有聽開佢做節目既人都會留意到,佢有一段時間跌跌地wok,由佢同小克合作開始就有D唔知點甘,小克峰芒畢露就固之然,但係阿jan毫無突破,反正就係"好唔海峰"!後來同阿芝合作男上女下簡直係低谷之作慘不忍睹。
但係最近呢半年聽佢做節目,表演越來越好,一個903內最唔識同人合作做節目既DJ竟然同幾個唔係DJ出身既人合作可以做到恰到好處,幫到對方發揮之餘又有返自己特色,我身為佢fans都覺得自豪啦!

而成個project, 就好似首歌,present一個蛻變成熟期,由廿靚歲風光一時軟硬天師蛻變成嬉笑怒罵與時並咀既維園阿伯。肯將軟硬天師四隻字放係首歌度,你估容易呀?海峰今日做得到,係因為佢重新搵返定位。

好期待十月可以睇到佢既talk show.

Friday, August 05, 2005

七月記事之all things bright and beautiful

生了一粒大"非之",一路報新聞一路痛,阿媽煲夏夫草過我飲,一飲五杯!

朋友仔send個link俾我,竟然有郁郁下海峰,再加上知道佢九月會出碟,十月會搞show,差D訓唔著!

過左一日,另一個朋友仔竟然係網上搵到海峰有線台個節目,由於太耐冇見既關係,睇到一半必需稍作休息,心臟怕會承受不起!

呵,竟然仲有在晴朗的一天爆笑sound clip,想唔想聽下海峰點樣tum個女訓覺?here
仲有King Sir + 曾智偉 here

能夠同好朋友一起經歷一些大大小小的波折,叫我知道有一天我跌到了,也不會怕

工作越來越習慣,知道自己正好好努力做著喜歡的事情

電視有arashi, tsuyoshi, smap 和 Fujiki, ipod 有E神,福山雅治,chemistry 和 范范,就有齊我所需的娛樂

收到好耐冇見朋友的電話/電郵,被記掛的那份溫暖,簡直熱得死人

開一個小組,猛車邊講下電台節目,同一班後生仔一齊聽收音機,邊玩邊學

遇到好書兩本,第一次看陳耀鵬牧師和Larry Crabb的書,可以邊讀邊思想,讓腦袋活動活動

愛我的人跟我分享上班遇到的濕濕碎氣結事,可以成為你的傾訴對象,是我的幸福