fit D, madonna!!

今天第一天去加州上fitness class，例牌被所謂個人健身訓練的sales（其實佢地正職似sales多D），捉住不停地左度右度，然後得出一個結論　--　話我肥。

車！！！！駛咩你講呀老友？！

唔肥都唔會來做gym啦！喺屋企睇電視唔好？！

當然佢最終目的都係想sell我買個personal trainer program，我又唔係madonna，唔會囉~~

雖然有一刻的確有少少少少動搖，我都想有個靚body，著條窄褲喺個gym度行來行去（係咪真係想呢又？！），但係算啦，都係嗰句，我又唔係Madonna！！！

不過對於他們的行銷手法，真的不敢恭維，服務的收費沒有明碼實價一張清單，用visa 或 debit 付款又有不同收費，一時又話萬六，一時又話萬三；起初又話建議我做分期，一時又話邊張卡邊張卡先做到，又唔講清楚係咪免息；一時又話呢個優惠只限今日。。。。聽到都覺煩！令我最反感係，佢見我擺出一副十分猶豫的樣子（我梗係話要問過老公先啦），佢竟然話唔緊要，叫我俾張visa卡同身分証佢做咗d文件先！！

點呀？！當我傻定係佢真係癲咗？！

我呢d 醒目C9仔梗無咁易上檔啦，我又唔係Madonna！！！

＊對唔住Madonna，我唔係話你蠢，只係你喺我心目中，係做gym愛好者嘅代表~~

＊＊＊＊＊＊＊＊＊＊＊＊＊＊

要投入讀書喇，各位為我加油啦！

１２月６號，日本語一級能力檢定試，我要考到好成績架！

頑張ります