對話

今天早上jetlag　６點就醒來了

外面黃雨又行雷　趕快起來把𥦬關好

回去想再睡又睡不著　在床上典來典去

典到咁上下　莫國王也醒來了

開始東一句西一句的閒聊

「我尋日睇咗木村同kame的訪問呢，兩個都好有型呀！」

「點解佢兩個會一齊嘅？」

「因為Mr. Brain第三集有龜梨做special guest嘛！所以一齊做宣傳囉」

「哦」

「木村仲mea住kame出嚟tim呀，好cute架~~」

「哦...咁龜梨係咪好矮架？！」

「hm....唔高囉，不過超型~~~型咪得囉，唔駛好高架！」

「即係幾高呀？」

「我諗....同阿Jan差唔多啩」

「點解你鍾意埋d 矮仔嘅？」

「！！！！！」

３０秒dead air後...

「點解你鍾意埋d 動物嘅？」

「...」

「一個Mr. Lamb,　一個Mr. Turtle」

「...」　

做返自己

吃飯時，舊同事eva忘記把從台灣買來的周杰倫cd 帶出來，午飯後隨大隊回商台，坐在lobby等。cd交收完畢，很久沒有見面的兩個女仔雞啄唔斷不停傾傾傾，話題離不開阿Jan (當然.....)

對於海峰，我承認我確係有很多無聊的幻想，但礙於太怕羞，從來都不敢對他有太多奢望，只要得到少少少少（例如一個點頭），我就可以很滿足。所以聽聽同事複述他的說話之類，就可興奮得手舞足蹈。

和同事說到興起之時，阿Jan剛好從正門進入大堂，我看著他的側面就已經開心到mak大個口無哂反應！！

回來商台當然有希望會見到海峰，但下晝兩點幾，佢好有可能已經走咗喇，原以為見到機會極微，喜出望外的一刻．超．開．心！！

更加難以置信的是，他竟然走到我的身邊（當時我坐在沙發上），還問我：「點呀，考日文呀？考成點呀？」
我有無聽錯？！？！？海峰主動同我講嘢！！！

考日文的事，我當然沒有膽親口對他說過（又關有無膽甚麼事？？反正對住呢個偶像我就變得超細膽....），這又要多謝每早幫一二台晴朗order早餐的早點小姐eva，佢積極聳恿兼幫我拿合照給阿Jan簽名，名雖然未簽，但她上星期有跟海峰提過此事，想說先徵詢他本人意願，不好直接拿合照去感覺像焗他簽名。

海峰走到我的身邊喎，不緊張才怪！原本坐著又想站起來，又要顧著包包，論論盡盡咁，海峰說：「做咩唧，見到我唔駛企喎，我又唔係俞琤！係咪？！我又唔係黃永！係咪？！」然後一個露齒笑！（暈哂！）

這麼近距離見面，還要有對話，是第一次呀！！我這種膽小小fans，哪有理由不暈浪！暈一暈，就唔敢直視囉.....

海峰再問：「點呀？日文考成點呀？」
我：「未考呀，１２月先考」（竟然可以正常對答，神奇呀！）
海峰：「１２月呀，咁而家呢？做咩呀？」
我：「唔，而家做住Ｃ９仔先囉」（我無向佢講過我已係人妻，都話之前唔夠膽講嘢咯！>_<） 

海峰：「.....」瞪眼看著我！（看來我的答案太爆，他有點嚇呆了！）
兩秒無言後回復輕鬆笑容，又一個露齒笑！
再暈一暈，眼光趕快閃開~~

海峰：「Ｃ９唔駛做嘅，做返自己就得喇！」再一個溫柔笑容！（註：形容詞純粹出於聽者個人意願，不代表言者立場~~)

完全把小粉絲徹底K.O.的林公子春風滿面地離開現場，眼見他的身影即將入𨋢之際，我趕緊大大聲說ByeBye，最後帶著一個海峰回給我的揮手ByeBye，心滿意足地離開。

阿jan是一個外冷內熱的人，作為fans又怎會沒有所聞？！只是我一直以來，不敢面對「現實」，不相信自己有幸見到他的這一面，總要對自已說，阿Jan點會記得我呢d small potato呢？！
而實情是，他不單記得我的樣子，也記得我叫咩名，也知道我來自加拿大。（last day跟他道別合照時，他開玩笑似的問我是不是要回加拿大？）eva 雖然有跟他提起過我讀日文的事，但商台大堂是眾目睽睽的地方，他主動跟我一個小粉絲／不知名的小ＰＡ攀談的事，有很多其他正在等𨋢的同事看到的，一向「cool爆」的他，竟會這樣做，也許是他那天心情特好，也許是他等𨋢無事可做，但我更情願相信，他是一個好有heart的人。
縱使這事對我來說真如發夢一樣，但確是事實呀！！
再不敢相信我和他的生命線交接上，再不敢相信自己已經在海峰心中留下印象，也得要相信啦！

從來對海峰也只是遠遠地欣賞，欣賞他的才華和靚聲，看他可愛有型的樣子。結果在我亳無準備的情況之下，有了這樣一個像朋友，也像同事，也像idol&fan的夢一樣的對話，我竟然就這樣有了一個從來不敢奢望得到的第一手經驗！

這件事.......很神奇。我想了多天，仍然覺得很神奇。

iPod的歌

這星期開始去南華會游水，希望可以維持約一星期兩天。

初開始，一次游十個堂，已經很好了，要一步一步來，不要心急，也不要和別人比較，一下一下地，隨著自己的步伐去游，因為一心急就游得不開心，花了廿多元，就白花。

（最麻煩不是頭髮顔色很易啞，而是要洗泳衣洗泳帽洗呢洗路.......如果唔係一星期去多幾次都得！）

由我家行去南華會才十分鐘，一路上聽iPod，早上聽盧廣仲心情可以放輕鬆，因為他的歌曲很生活。或者我的all time favourite林海峰，一樣可以令我笑出來，同樣也是因為他的歌曲很生活。

今天回商台跟一個舊同事要ＣＤ，海峰吃完飯回來（我猜），主動同我講嘢！！！這令人震驚的事，明天有時間慢慢寫，現在要去跟老同學們聚會。

等我po吓相先~~

concert的舞台扑士林兔。1/6祈求大合唱之後漏夜搬到商台大堂，第一天有6隻。我呢d傻婆仲唔一早去影咩~

之後離奇的事開始發生，林兔續日消失，一家六口今早只剩下最細一隻~~沒人知道兔兔去了何處，同事們只知道有兔就快d去拍照!

同事j生日，我們三個日光日白去吃西餐開白酒，很是寫意!

相中兩位靚女都是公司裡難得啱傾的同事，雖然知道一起共事的時間不會很長，畢竟人各有志，而且這種工作環境要待得久，還得要有些特異功能!

但無論將來的路如何，很希望這些友誼能持續下去。到了這個年紀，認識新朋友已然不易，由同事變朋友更難，而且能說真心話的，有耐性、有悟性去了解彼此，不是天掉下來的恩賜是甚麼? !(會來看這個blog的人，多多少少都知道我的個性有幾難搞...)

(帽子很cute，但不是我的，感謝泰山借出拍照道具! 場景是一台辦公室)

有在這裡po過這張狂迷簽名嗎? 這是阿Jan talkshow part1之後，跟他在電梯獨處(!)時問他要的，他說可以到我的座位幫我簽~~~很好人呀~~又問我要寫咩名，我話寫傻婆啦，佢就笑咗一吓~~~呵呵呵~~~我tum到佢笑呀!!!!竟然!!!! (開始失心瘋....)

zoom埋 D D...

合照

( 他開口笑!而且笑容很自然呢~)

星期四的press con，是我第一次和偶像合照...恨了很多年...原來發生的時候真的像發夢一樣...現在想起來也很夢幻~

他和平常一樣, 就是很型很型....我像個小fans(不是像...根本就是嘛!)，心跳加速，笑容僵硬，雙目out fo，而且又不敢靠得太近...

拍的時候，小濤一直大叫「攬住啦~~」害我怕得面紅耳熱，也搞不清楚他是叫我攬還是叫阿Jan攬...我真夠白痴!拍完後，阿Jan說「我們公司能屹立到今天，就是因為從來沒有人搞男女關係！」(笑)

阿Jan又會離開晴朗一段時間去準備talk show part 2，現在我有了這個合照作為提神之用，應該可以頂到在紅館再見吧~

求其la～～

原本中午還是病得頭暈暈, 鼻涕一直沒停過, 沒食慾, 一坐下來就睡得著。

踏入紅館一刻仍然有點點呆, 機動式排隊逼埋去買百達通繩&CD, 逼逼逼...好逼。

好不容易找到剛放工趕來的莫國王, 手拖手入場。都話, 醜婦終需見家翁~ (果然不清醒!)

神奇的事發生了, 音樂一響起, 熱血沸騰, 連自己病都唔記得喇~~~

盡情享受阿Jan150分鐘出盡力的精彩演出, 講 唱 笑 跳 演 扮 嗌~

穿著魚網top的大大隻靚仔jan走近台邊唱, 小fans們一湧而上, 又叫又拍手, 阿jan望呢邊呀~~

然後小fans的生命線就在那一刻和大偶像的生命線相遇, 心靈相通, 共同經歷了對望的那一秒鐘! (oh~~暈咗~)

live show就是有這種魔力, 做的人出力, 看的人也出力, 做的人就更出力, 營造出一種超級高溫!

海峰talk show

明天開show，祝成功~~好好笑~~紀念品好好賣~~yeah~~
快d放完假返返黎晴朗~~快d快d~~

拆開哂d盒，搵返集噴飯dvd出來睇，重溫一吓舞台上郁郁吓嘅海峰，為明晚嘅見面做好準備，好緊張呀~小fans帶埋莫國王去睇海峰，醜婦終需見家翁嘛！(開始short short地 ~_~)

前兩日，有個同事打電話黎，話想關心吓我買唔買到阿jan飛，又係咁講阿jan真係好受歡迎呀，個show好爆呀咁，係咁講無dead air，講咗2, 3分鐘之後，我就覺得有d唔對路....原來係錄音！超低能....
想聽吓有幾低能，去聽吓881嘅「成班嘩鬼巴巴閉」啦~ (24/2, last part)

JAN

3天後突然沈澱到神經線上來。 望著office枱頭的阿Jan剪報， 想起上星期五的一幕：我把生日咭遞過去,他有點驚奇, 接過一看, 再看著我說一聲多謝。所有加起來不過幾秒鐘的事。就在這幾秒之間, 我的臉紅得像蕃茄...不懂正常反應(注意：整件事根本就不正常...)呆呆的走開了。
多天來也不敢回想細節，因為怕它像夢,越去想, 會越難記起。


這個星期開始，海峰準備standup要閉關，不再時時見到，雖然有點失落，但說真的，工作時少點分心，效率果然提升不少! *^_^*

這幾天會陸續update返呢幾個星期發生嘅事, 各位朋友 有時間留個言啦~

來龍去脈

做做下嘢，見到阿Jan行入去我地監製grace間房，在紙上寫寫寫，30秒之後就離開了。我問旁邊的同事，阿Jan來做甚麼？她側側頭說不知道。
5分鐘之後，監製grace返來...

咿，咩嚟架?
哦，阿伯d稿囉!
真架?
真架!我地要keep返d記錄，佢用手寫，所以會交低d 稿，你係唔係想要?
得咩?
攞去影印啦，不過唔好咁揚喎!
真係得?!多謝!

我一本正經咁去影印，影完唸住俾返份正本俾監製...

你要份真架啦!
真係得?
keep record之嘛，影印本得架啦，你攞去啦!

*^_^*
我會珍而重之，好好對佢。

得到維園阿伯親筆手稿一份!! *^_^*

開始覺得自己有點變態….

5次

※小fans日記※

第一次：
office外，剛上班的黑口黑面，佢望到我.....!!!

第二次：
直播室外，開show前，他站著看電視，我從他身旁走過。一個身位，是我們最近的距離。

第三次：
隔著直播室的玻璃窗，看見戴上headphone的他，無懈可撃~

第四次：
港台門外，我和其他同事跟老細去吃早餐，他剛好買完奶茶出來，我們又見面了!

第五次：
目送著他離開office。



返工好開心~ *^_^*

here we go: jan's blog

although i don't like seeing him do commercial ADs for cell phones, i don't mind reading his blog!

http://sharethereallife.spaces.live.com/

林海峰是但嗡 [足否]低噴飯 - 超低能 勁搞笑 + 勁歌金曲搞笑版

喜歡talk show的朋友請花10分鐘看看，這就是我最愛的林海峰。
看到阿jan這段表演，我覺得做了16年fans，很驕傲！

勁歌金曲，不是搞笑版，是有血有淚的大事回顧版。



看後感容後補上。

還是最愛聽收音機

熱播中：戀愛後1/2

郭富城+彭羚 的戀愛感覺；李蕙敏+wyman 的抵死火花；戀愛1/2的回憶+鄧潔明夭心夭肺的每一句；加埋集集有阿Jan加彭羚的有野扮無野扮有D野好好笑....

當年因為移左民無得聽但又好恨聽既廣播劇，今日終於聽到。一邊聽，個心一邊戚住戚住，收音機像有懾石，就係會被佢懾住...


(行山野，下次再寫)

小克

節錄自阿Jan talkshow DVD書仔的後記，by小克。

。。。林海峰的承擔

我太熟悉林海峰的性格，跟他在劇本上的數次合作中，讓我觀察到，他一直陷於這種兩難局面。就是說，他有很多感受要跟大家分享，但又得顧全形象，怕人家笑他老土，怕人家笑他直接，於是，轉彎抹角，欲言又止，繼而逃避了真心。最後，究竟他想說什麼，觀眾得要去猜，也就難覓共鳴。在歌詞上還可以說成風格去支支吾吾，來到talkshow這種以觀眾即時反應去論成敗的現場表演，林海峰不得不開門見山。

。。。

有人會說他沒心肝，出賣家庭當玩笑！然而，講者以此為題，是因為在這個父親心目中，這些瑣碎逸事，便是宇宙間最重要的事。女兒的成長，比那施政報告更切身；太太的怨懟，比那海嘯更惱人，都為他帶來了很多很多的感思。然後，觀察過後被消化了，過濾了，承擔了，百般滋味結集，悟出真心，變成他獨有的一套價值觀念，變成他的人生大智慧。（你敢說如何向兒女灌輸性知識不是一種大智慧？）最後運用哪種方式向觀眾娓娓道來，已不是最重要的事了，這方面，他自有一大堆小聰明去化解。

所以，林海峰口中的承擔，其實弦外有音。我想，是因為他正身處其中，因為他正經歷這個需要承擔的人生階段。需要承擔的，除了家庭事業，還有隨年而生的社會責任。每個晴朗早上，眼見著本城舊有價值的逐漸失落，他在死命追隨腳下一雙superstar之餘，也不忘抽空復刻當年父親那雙織皮舊皮鞋；坐於電台高位，他懷念的其實是年幼家庭合照中的一張蜆殼凳；發花癲的叫喊中，他是希望提醒大家，從前叫賣蝦餃燒賣時的字正腔圓。

我一直多餘地害怕林海峰在talk show只會談談政治娛樂圈祕事，因為我肯定這些並非他最想說的話。我不懂以棟篤笑的準則去評價，畢竟很多人還認為棟篤笑跟政治不能掛勾。但起碼，單純思考而言，他的次序正確，方向正確，是他本人創作中最見完整的一次。跟過往的嬉笑怒罵不一樣，總括來說，是一個創作人如何由純粹諷刺進化到坦誠真摯的成熟示範。

。。。

寫得很好？不好我也不會花幾十分鐘打出來一遍。
hm...有關林海峰的承擔那一段，小克又何嘗不是寫得隱晦，怕人家笑他老土直接，轉彎抹角。作為海峰fans,我明白小克的一字一句所指何事，但這個talk show是不是真的做到坦誠真摯，我就確實有些保留。就像前兩天講過，我覺得海峰的表現可以更好。
林海峰一直也是走小眾娛樂的路線，不是k歌王子偶象派，也不是擘大口嚨笑到失聲，他就是那種不會說得很白，明就好笑，唔明就唔明的小眾幽默。
偏偏去年阿Jan搞大動作，目標似是想要全城熱播，叫好又叫座。
必須作出一些改變，去迎合大市場，正如小克所說，talk show是以現場觀眾反應論成敗的，以阿Jan一向的小眾風格，會笑的不知道有幾多。（例：講到欣宜扮白雪公主一段，阿Jan以"全港最大堂口渣fit人"來形容張玉珊，無人識笑甘滯，要講多幾次，噠埋個名，就識笑喇）
因此他的改變避不開走向大眾化，大眾想聽佢講屋企野嘛。
這或許只是其中一個原因，令我對talk show裡的海峰感到有小小陌生。
根據小克的講法，難道我原來是不習慣見到一個變得真摯成熟的林海峰？！~

it's Jan, again

收到deakin送上的兩大張阿Jan poster snapshot, 高興得跳起！！最近經常因為阿Jan高興跳，應該輕左唔少！

呢幾日返工之餘，就在電腦前追返阿Jan近排的晴朗，笑到臨凳，呵呵呵~~~

越來越覺得阿Jan可愛之處，就是他很忠於逗人笑這個岡位。唱歌，talk show，廣告，電影，電台，每一次出現，都可以叫人看/聽得舒服。由會心微笑到軟硬式的喪笑，梗有一款適合你！

適唔適合你我唔知，但起碼適合我先。

今日有個同事問我：點解甘鍾意阿Jan，我都差D答唔出，萬般感覺在心頭。小時候躲在被竇聽老人苑；初移民就靠香港朋友仔寄來的真人表演渡過一個又一個放學後的黃昏；大學時期是珍藏好世界的歲月；初出社會做事就是由晴朗的一天出發。
今日突然發現，對阿Jan的喜歡是蓄返來的，他的聲音，他的節目，與我的成長片段已經捆在一起，所以越來越喜歡。

細細個會好介意被定型做"粉絲"，因為總自覺比所謂的粉絲理智，但其實瘋狂程度就根本是活生生的一隻粉絲，只因為細膽才沒有做出追星等的行為。後來大個d，就以阿jan作為學習榜樣，幻想有一日會跟他成為同事。然後有很長一段時間，會很介意別人隨隨便便順口講句鍾意阿jan，覺得人地唔識欣賞，又或者會好妒忌有得親近阿jan既人，車！好叻咩？！？！
而家再大d, 實際d，發現做同事只可以繼續幻想，妒忌不屑亦毫無意義，結果係繼續做一隻膽小的粉絲。

上個星期係公司同盧玉鳳（係！係同海峰同期入商台的盧玉鳳！）傾開計，話題離不開阿jan，討論他的talkshow他的音樂他的風格。說著說著，我發現自己也不是一面倒挺阿jan的，mary問我覺得個talkshow點，我第一個反應係有d失望。係呀，其實係有d失望，一直未係呢度寫過，其實聽阿jan講屋企野，唔係真係甘好聽。睇完成個show我第一個感覺係：林海峰可以唔洗講屋企野，都可以好好笑，點解要巢埋d屋企野黎講？！聽佢講話同cass嗌交，d人會笑，兩公婆嗌交點解好笑？點解兩公婆嗌交都要巢出黎俾人笑？佢平時講下曾蔭權d錦鯉已經夠好笑啦！唔係咩？或者最終都係自信心既問題。海峰有自信先會有定位，先會真係好，先會真係好笑。

佢隻dvd聽日會出，我當然期待，始終有個回憶。但我更期待看到海峰下一場talkshow,期待一個唔洗再講老婆兩個女都好好笑的海峰。

海峰3G廣告

呆望電腦mon可以咀角含笑（驚）
網上有得睇

回味

2005年10月13號，晚上2000-2200

凈係睇見個screen已經心跳加速

塊幕其實係金色

坐無虛席

白馬王子，呵呵呵~

扮佢老婆唱"來讓我跟你走~~"

其後因為太投入睇show，冇影。
不過都係o個句，一切在心中，我會永遠記得阿Jan扮米奇老鼠揮手。

多謝 M 同我一齊分享左呢一晚。

我都唔知想點

最近好多野忙，好多野煩，心情低落，就算每日啪大量林狗同smap都無補於事。
其實阿jan出碟搞talkshow，我心情好複雜。
可以聽佢既歌係開心，買到飛睇talk show亦令我好興奮，但係我其實唔想海峰甘紅甘多人鍾意，我唔想承認有人比我更喜歡佢，或者應該甘講，我唔想知道佢appreciate其他fans,但係我一次都未同佢講過野。
其實我又唔係真係甘恨同佢講野，海峰係：只可遠觀。
但係當我知道有其他女仔話鍾意佢，然後有勇氣行埋去，仲有機會同佢講野，或者海峰對佢笑，我就會恨到入肉。係唔開心個隻恨,係會想殺人個隻恨。
係咪有D變態？
都話我心情煩燥。

只因喜歡你

等了十幾年，終於有機會睇住你郁郁下，我呢一刻既心情實在難以形容。
我想係度特別多謝M，俾我煩左甘多日，幫我買飛仲肯陪我去睇，錫晒你！！！
我和林海峰的約會，2005年10月13號見！